Ljúffengar Ciabatta samlokur frá grunni


Ítalskt Ciabatta brauð:

  • 300 g brauðhveiti
  • 1 msk þurrger
  • 1 tsk gróft salt
  • 140 ml volgt vatn

Aðferð:

  1. Setjið volgt vatn og þurrger saman í hrærivélaskál og hærið örlítið saman með skeið. Setjið svo viskustykki yfir skálina og leyfið að sitja í um 10 mínútur eða þar til gerið hefur myndað loftbólur í vatninu.
  2. Bætið út í hveitinu og saltinu og hnoðið öllu saman með hrærivélakróknum.
  3. Stráið hveiti á borðið og hnoðið næst deigið vel saman í höndunum þar til þið fáið fallega mjúkt brauðdeig.
  4. Hitið ofninn á 30-50°C (lægstu styllingu), setjið deigið í hitaþolna skál og bleitið yfirborð deigsins örlítið með smá vatni. Setjið deigið inní ofninn og leyfið að hefast í um 1,5 klst. Á hálftíma fresti er gott að taka deigið út og toga það til og brjóta það saman frá enda yfir í miðju. Með þessu fáum við góða glúteinmyndun í brauðinu.
  5. Eftir 1,5 klst hefun er deigið tekið út og ofninn stylltur á 230°C blástur. Til að fá fallega skorpu á brauðið þarf að myndast gufa í ofninum. Setjið botnfylli af vatni í ofnskúffu og komið henni fyrir neðst í ofninum, vatnið gufar þá upp og gufa myndast inni í ofninum.
  6. Takið deigið úr skálinni og setjið á ofnplötu með bökunarpappír. Fletjið deigið út með höndunum, eins þunnt og þið viljið. Penslið næst brauðið með smá olíu og stráið grófu salti yfir.
  7. Bakið brauðið í um 20 mínútur eða þar til það er full bakað og fallega brúnt.


Álegg:

  1. 3-4 tilbúin kjúklingalæri/bringur
  2. 1-1,5 bolli spínat
  3. 1 krukka grænt pestó
  4. 1 lárpera
  5. 1 tómatur
  6. 1 Mozzarella ostakúla


Samsetning samloku:

  1. Skerið brauðið í tvennt eftir endilöngu.
  2. Skerið lárperu, tómat og Mozzarella ostinn í þunnar sneiðar.
  3. Skerið kjúklingalærin í þunna, langa bita.
  4. Raðið álegginu á: Smyrjið pestóinu á báða endana, setjið svo spínat, Mozzarella ost, tómata, lárperu og kjúkling á annan endann og lokið.
  5. Skerið samlokuna niður í eins stóra bita og þið kjósið.
  6. Njótið!

ingibjorg

Comments are closed