Lagskiptur eftirréttur í glasi

Uppskrift:
- 2 egg
- 1 dl sykur
- 100 g smjör
- 150 g suðusúkkulaði
- 3/4 dl hveiti
- Ein askja hindber
- 250 ml rjómi
- 1 poki karamellukurl
Aðferð:
- Útbúið franskan súkkulaðibotn: Setjið egg og sykur í hrærivélaskál og þeytið vel þar til létt og ljóst. Setjið smjör og suðusúkkulaði í pott og bræðið saman við vægan hita. Bætið hveitinu saman við eggin og sykurinn og hrærið varlega saman. Setjið á lægstu styllinguna á hrærivélinni og hellið súkkulaðiblöndunni út í hrærivélaskálina í lítilli bunu á meðan hrærivélin hrærir öllu varlega saman. Smyrjið eitt lítið kökuform og hellið deiginu í. Bakið franska súkkulaðibotninn við 180°C í 25-30 mínútur. Takið út þegar fullbakaður og leyfið að kólna.
- Rjómi: Léttþeytið rjómann og setjið til hliðar.
- kökubotn: Þegar kökubotninn er orðinn kaldur skerið hann þá niður í litla teninga.
- Setjið eftirréttinn saman: Setjið nokkra kökuteninga í botninn á frekar háu glasi. Setjið næst tvær matskeiðar af rjóma, smá karamellukurl og 3-4 hindber. Endurtakið þessi skref 3x upp glasið og toppið efsta rjómalagið með karamellukurli.



Comments are closed